Natural death ang gintuna-an sang kamatayon sang isa ka 34 anyos nga lalaki sa banwa sang Murcia, Negros Occidental.
Ginkilala ini kay Roy Villanueva kag tumandok sang La Castellana, Negros Occidental, nagapuyo sa karun sa nasambit nga banwa kag nagatrabaho bilang trisikad driver.
Suno kay Police Staff Sergeant Edwin Celiz-duty Investigator sang Murcia Municipal Police Station, ginpahayag sini nga wala sang nakita nga foul play sa kamatayon sang biktima.
Ginapahayag man nga madugay na ini nga nagabatyag sang balatian severe tuberculosis kag nasige pa sa pag-inom sang makahulubog nga ilimnon.
Suno kay Celiz ang una nga nakasapo sa biktima ang upod niya man nga trisikad nga nag-inum kag nagtawag sa Mucia Municipal Police Station.
Suno diri sang pag-abot nila sa lugar wala na sang kabuhi ang biktima apang agud masiguro gindala pa nila sa Murcia Rural Health Unit sang apang gindeklarar nga dead on arrival ni Dr. Anthony Maguad.
Napahibalo naman ang pamilya sang biktima sa natabo sa ila.
