Napabilin sang Tropical Depression ADA ang kabaskugon sini samtang yara sa kadagatan sa nasidlangan sang Surigao del Norte.
Ang sentro sang Bagyo ADA ang ulihi nga nasiplatan alas-11:00 sang aga sa 420 km sa nasidlangan sang Surigao City, Surigao del Norte.
Dala sini ang kabaskugon sang hangin nga nagadangat sa 55 km/h kag pagmadlos nga tubtob 70 km/h, samtang ini ang nagahulag padulong sa West Northwestward nga dereksyon sa kadasigon nga 10 km/h.
Yara sa Tropical Cyclone Wind Signal no. 1
LUZON
-Sorsogon, kag
-Southeastern portion sang Albay
VISAYAS
-Northern Samar
-Samar
-Eastern Samar
-Eastern portion sang Biliran
-Eastern portion sang Leyte, kag
-Eastern portion sang Southern Leyte
MINDANAO
-Dinagat Islands
-Surigao del Norte, kag
-Surigao del Sur
Ang Bagyo ADA ang ginalauman nga magahulag gikan sa northwestward nga dereksyon padulong sa north northwestward tubtob na sa Domingo, antes paman magliko sa north northeastward sa Lunes.
Sa forecast track, yara ang posibilidad nga maglabay malapit sa Eastern Samar kag Northern Samar ang Bagyo sa Biyernes sang gab-i ukon Sabado sang kaagahon antes magderetso sa nasidlangan sang Catanduanes sa Sabado sang gab-i ukon Domingo sang aga.
Apang kun magliko pa padulong sa nakatungdan ang Bagyo, may posibilidad nga ini ang magalandfall sa Eastern Visayas kag Bicol Region.
Ginalauman nga magasanyog sa Tropical Storm category ang Bagyo ADA subong nga adlaw, kag magasanyog pa samtang yara sa Philippine Sea.
