Malapit na lamang nga maglandfall ang Tropical Depression ISANG.
Ini ang anay ginamonitor nga LPA, nga nagsanyog kag nangin Bagyo alas-8:00 kaina sang aga.
Ang Tropical Depression ISANG, nga ulihi nasiplatan sa vicinity sang Quirino.
Dala sini ang kabaskugon sang hangin nga nagadangat sa 55 km/h kag pagmadlos nga tubtob sa 90 km/h.
Ang Bagyo ang nagahulag sa West Northwestward nga dereksyon sa kadasigon nga 20 km/h.
Sa karun, ginpaidalom na sa Tropical Cyclone Wind Signal No 1 ang:
-Cagayan
-Isabela
-Quirino
-Nueva Vizcaya
-Apayao
-Kalinga
-Abra
-Mountain Province
-Ifugao
-Benguet
-Ilocos Norte
-Ilocos Sur
-La Union
-Pangasinan
-Aurora, kag
-Naaminhan nga bahin sang Nueva Ecija
Pabaskugon man sang Bagyo ISANG ang Southwest Monsoon ukon Hangin Habagat nga magaapekto sa:
-Zambales
-Bataan
-Metro Manila
-CALABARZON
-MIMAROPA
-Camarines Norte
-Camarines Sur
-Catanduanes
-Burias Island
-Western Visayas
-Negros Island Region
-Central Visayasa
-Dinagat Islands
-Southern Leyte
-Surigao del Norte, kag
-Camiguin.
Lauman nga magatabok sa kadutaan sang Northern Luzon ang Bagyo ISANG sa masunod nga 12 oras kag makagwa sa West Philippine Sea karun sa gab-i.
Ginalauman man nga ini ang magwa sa Philippine Area of Responsibility bwas sa aga ukon sa hapon.
Mataas man ang posibilidad nga ini ang magabaskog pa sa Tropical Storm bwas sa aga kag mahimo makalab-ot pa sa severe tropical storm category samtang nagahilapit sa nakadagatan sa nabagatnan sang Hainan, China.
