Alas-6:30 kagab-i, nagsulod na sa Philippine Area of Responsibility ang Tropical Storm “HELEN” nga may International Name nga Tropical Storm “PULASAN”.
Samtang alas-2:00 kaina sang kaagahon nakagwa naman sa PAR ang Tropical Depression “GENER”.
Alas 3:00 kaina sang kaagahon, ang sentro sang Tropical Storm “HELEN” ang ulihi nga nasiplatan sa 1,260 km East sang Extreme Northern Luzon.
Ini ang may kabaskugon sang hangin nga nagadangat sa 85 km/h malapit sa sentro kag pagmadlos nga tubtob 105 km/h.
Ini ang nagahulag padulong sa West Northwestward nga dereksyon sa kadasigon nga 25 km/h.
Samtang alas-3:00 kaina sang kaagahon, ang Tropical Depression Gener ang ulihi nga nasiplatan 450 km West sang Bacnotan, La Union sagwa sang Philippine Area of Responsibility.
Ini ang may kabaskugon sang hangin nga nagadangat 55 km/h malapit sa sentro kag pagmadlos nga tubtob 70 km/h.
Ang bagyo ang nagahulag padulong sa West Northwestward nga dereksyon sa kadasigon nga 25 km/h.
Ginbatak naman ang gindagdag nga Tropical Cyclone Wind Signal sa diin man nga bahin sang pungsod.
Ang Bagyo Helen ang ginalantaw nga magapadayun sa paghulag padulong sa nakatungdan-naaminhan nga dereksyon kag magwa sa PAR karun sa hapon ukon sa gab-i.
Ini ang indi man magpalapit sa kadutaan kag wala sang derekta nga epekto sa pungsod samtang ini ang ginalantaw nga magapabilin naman bilang tropical storm kag amat-amat nga magahinay pagdangat sa East China Sea.
Samtang ang Bagyo Gener ang ginalantaw nga padayun naman nga magahulag sa nakatungdan nga dereksyon sang West Philippine Sea padulong na sa Vietnam.
Limitado naman ang pagbaskog sini, apang ginalantaw ang posibilidad nga ini ang mangin tropical storm subong nga adlaw.
Ang Southwest Monsoon ukon Hangin Habagat nga ginpabaskog pa sang mga Bagyo Helen kag Gener ang nagaapekto naman sa Southern Luzon, Visayas, kag Mindanao partikular na sa Zambales, Bataan, Pampanga, Bulacan, Metro Manila, CALABARZON, MIMAROPA, Bicol Region, Visayas, Zamboanga Peninsula, Northern Mindanao, Caraga, kag Davao Region.
Nagapabilin gihapon ang risgo sa pagluntad sang mga pagbaha kag landslide partikular na sa mga lugar nga makabatyag sang tayuyon nga pag-ulan.
