May-ara sang gamay nga pagbaskog sa Tropical Storm “KRISTINE” samtang ini ang nagahusoy sa baybayon sa nasidlangan nga bahin sang Quezon.
Ang sentro sang bagyo ang ulihi nga nasiplatan 180 km North Northeast sang Virac, Catanduanes.
Ini ang may dala nga hangin nga nagadangat sa kabaskugon nga 85 km/h kag pagmadlos nga tubtob 105 km/h samtang nagahulag sa West Northwestward nga dereksyon sa kadasigon nga 25 km/h.
Sa karun napaidalom na sa Tropical Cyclone Wind Signal no. 2 ang Ilocos Norte, Ilocos Sur, La Union, Pangasinan, Apayao, Abra, Kalinga, Mountain Province, Ifugao, Benguet, mainland Cagayan, Isabela, Quirino, Nueva Vizcaya, Aurora, Nueva Ecija, Tarlac, naaminhan nga bahin sang Zambales, naaminhan nga bahin sang Bulacan, naaminhan nga bahin sang Quezon kalakip na ang Polillo Islands, Camarines Norte, naaminhan kag nasidlangan nga bahin sang Camarines Sur, Catanduanes, nasidlangan nga bahin sang Albay kag nasidlangan nga bahin sang Sorsogon sa bahin sang Luzon.
Samtang Signal No. 2 man sa naaminhan nga bahin sang Northern kag Eastern Samar sa Visayas.
Tropical Cyclone Wind Signal no. 1 sa Batanes, Babuyan Islands, Pampanga, nabilin nga bahin sang Zambales, Bataan, nabilin nga bahin sang Bulacan, Metro Manila, Rizal, Cavite, Laguna, Batangas, nabilin nga bahin sang Quezon, Occidental Mindoro kalakip ang Lubang Islands, Oriental Mindoro, Marinduque, Romblon, Calamian Islands, nabilin nga bahin sang Camarines Sur, nabilin nga bahin sang Albay, nabilin nga bahin sang Sorsogon, Masbate kalakip ang Ticao kag Burias Islands, kag Calamian Islands sa Luzon.
Samtang Signal No. 1 man sa Bacolod City kasubong man sa naaminhan nga bahin sang Negros Occidental partikular na sa Pontevedra, La Castellana, Moises Padilla, Bago City, La Carlota City, Valladolid, Pulupandan, San Enrique, Murcia, Silay City, Talisay City, EB Magalona, Manapla, Victorias City, Cadiz City, Sagay City, Escalante City, Toboso, Calatrava, Salvador Benedicto kag San Carlos City, subong man sa naaminhan nga bahin sang Negros Oriental partikular na sa Vallehermoso, Canlaon City kag Guihulngan City; Aklan, Capiz, Antique kalakip ang Caluya Islands, Iloilo, Guinaras, northern kag central portions sang Cebu kalakip ang Bantayan Islands kag Camotes Islands, Bohol, nabilin nga bahin sang Eastern Samar, nabilin nga bahin sang Northern Samar, Samar, Leyte, Biliran, kag Southern Leyte sa Visayas.
Kasubong man sa Dinagat Islands kag Surigao del Norte kalakip ang Siargao – Bucas Grande Group sa Mindanao.
Lauman ang mabulubagyuhon nga panahon sa Ilocos Region, Cordillera Administrative Region, Central Luzon, Bicol Region, mainland Cagayan, Isabela, Quirino, Nueva Vizcaya, kag Quezon tuga sang Tropical Storm “KRISTINE”.
Mangin maulanon man nga may kaupod nga mabaskog nga pugada sang hangin sa Metro Manila, nabilin nga bahin sang Luzon, Visayas, Dinagat Islands kag Surigao del Norte bangod sa bagyo.
Lapta-lapta naman ang ma-eksperyensyahan nga pag-ulan sa Zamboanga Peninsula, Northern Mindanao, BARMM, kag SOCCSKSARGEN tuga sang Trough ukon ikog sang bagyo.
Samtang apisar sa epekto sang Trough sang bagyo, mangin makanay gihapon ang panahon sa nabilin nga bahin sang Mindanao.
