Excitement ang nabatyagan sang Filipino professional basketball player nga si Troy Rosario sa surprise return sini sa Gilas Pilipinas training pool para sa final window sang 2025 FIBA Asia Cup Qualifiers sa masunod nga bulan.
Tatlo na ka tuig ang naglabay sang ulihi siya nangin kabahin sang national team stint.
Siya ang gintawagan ni Gilas head coach Tim Cone nga magsulod sa team matapos nga ma-injured sanday Kai Sotto kag Kevin Quiambao.
Nagalaum ini sa karun nga maredeem ang iya kaugalingon matapos nga mangin kabahin sang team Gilas nga nakakuha sang silver medal sa una nga kahigayunan sa sulod sang 33 ka tuig sa 31st Southeast Asian Games sa Hanoi.
Si Rosari ang kabahin man sang championship team ni coach Tim Cone sa SEA Games sang 2019 kag FIBA World Cup sa idalum ni Yeng Guiao kag naghampang man sa idalum sang pagdumala ni Chot Reyes.
Suno kay Rosario challenge sa karun para sa iya ang maghampang kaupod ang Gilas youngsters sa pagpanguna ni Carl Tamayo, AJ Edu, Mason Amos, Calvin Oftana kag Dwight Ramos.
