-- ADVERTISEMENT --
Nahulog sa pil-as ang isa ka salakyan nga may karga nga groceries sa Sitio Calat-an, Brgy. Cartagena, Sipalay City, Negros Occidental, kahapon, alas-11:15 sang udto.
Ginamaneho ni Eliseo Apawan, 63 anyos, kasado kag residente sang So. Medalla, Brgy. Canturay, Sipalay City ang Isuzu Elf panel truck nga may karga nga groceries halin sa Brgy. Canturay padulong sa Brgy. Inayawan, Cauayan.
Sa inisyal nga imbestigasyon, dulhogon ang dalan kag nadulaan sang preno ang salakyan rason nga nadagdag ini sa pil-as nga may kadalumon nga kapin sa 50 metros.
Pilason si Apawan kasubong man ang kaupod sini nga si Ronald Garlit, 41 anyos, resident sang Sitio Medalla, Brgy. Canturay.
