Natumba ang isa ka truck nga may karga nga sandiya matapos nga madulaan sang preno sa Sitio Calayuhan, Brgy Gil Montilla, ciudad sang Sipalay, kahapon, alas- 12:30 sang udto.
Sa interview sang Bombo Radyo kay Plt Rowell Piniero, Deputy Chief of Police sang Sipalay City Police Station, sila nakabaton sang report nga may yara sang truck nga natumba nga nagbalabag kag nagsakop sang half lane sang dalan.
Suno diri, ang truck nagbyahe gikan sa Cauayan padulong sa Sipalay sang ini mawad-an sang preno sa dulhogon nga dalan.
Nagdesisyon na lamang ang drayber nga si Reno Eliserta, 37 anyos, residente sang banwa sang Dumalag, Capiz, nga ibunggo na lang sa kilid sang dalan ang truck.
Samtang ang kaupod naman sini nga pahenante nga sanday Aron Jay-r Marquezlim, 33 anyos, Brgy Tabao-Rizal, San Enrique kag Renante Pigura, 38 anyos, Brgy Sta Carmen, sang banwa sang Dumalag, Capiz, ang nagtumbo sang ila nahibaluan nga nawad-an sang preno ang truck.
Nag-agom snag minor injuries ang drayber kag duha ka pahenante samtang isa naman ka motorsiklo nga nakapark ang naulamid apang ini ginsettle naman sang duha ka bahin.
