Naguot ang isa ka truck nga may dala nga tubo matapos nga magtabok sa overflow sa Barangay Inolingan, Moises Padilla, Negros Occidental, kahapon.
Sa interview sang Bombo Radyo Bacolod sa Radio Operator sang Moises Padilla Municipal Disaster Risk Reduction Management Office, ang truck ang halin sa pihak nga bahin sang overflow agud nga magkarga sang tubo kag nagabiyahe sa padulong sa sugar central kun sa diin kinahanglan sini nga maglabay sa suba.
Suno sa radio operator, ginhambalan man ang driver sang truck nga indi magtabok sa overflow apang wala ini nagpamati gani ini ang naguot.
Nagsaka ang driver sa tubo bangud ang driver seat ang nalumos na sang tubig.
Panugyan man sini sa mga nagalabay sa overflow nga indi na pagpiliton magtabok kun dako na ang tubig agud malikawan ang insidente.
