Opisyal nga ginlunsyar ni US President Donald Trump ang “Trump Gold Card” visa program sang Disyembre 10, nga nagahatag sang oportunidad sa mga pumuluyo sang iban nga pungsod nga makabaton sang legal U.S. permanent residency pinaagi sa dako nga kontribusyon.
Ginpahayag sa White House nga ang programa ang nagasugod sa bag-o nga website nga trumpcard.gov kun sa diin pwede maka-apply ang interesado kag ginapasalig ang “U.S. residency in record time.”
Suno diri, ang Gold Card ang ginlaragway nga may kaangay nga pribilehiyo sa green card ukon permanent resident status kag ang mga nakabaton sini ang pwede makatrabaho kag magpuyo sang permanente sa America.
Samtang, may plano man nga maglunsyar sang mas mahal nga kategorya nga ginatawag “Trump Platinum Card” sa balor nga $5 million nga nagahatag sang dugang nga benepisyo sa mga foreign nationals, lakip na diri ang posibilidad nga makapuyo sa America tubtub sa 270 ka adlaw nga wala sang pagabayran nga buwis sa non-U.S. income.
