Ginpahayag sang alkalde sang ciudad sang Bacolod nga nakuha na sang City Treasurers Office sa Manila ang tseke para sa bulig gikan sa Office of the President kag ginahulat nalang ang schedule sa pagturn-over sa 61 ka Barangay sang ciudad.
Ang nasambit nga financial assistance ang yara sa idalom sang bawat Bawat Barangay Makikinabang (BBM) program sang Opisina sang Presidente.
Sa pahayag ni Mayor Greg Gasataya, may yara sang ginahulat ang Liga ng mga Barangay sang mga documents nga kinahanglan nga ipasa sang 61 ka mga Barangays bilang kabahin sang compliance antes marelease ang pondo.
Ang kabug-usan nga financial assistance sa kada Barangay amo ang P200,000 kun sa diin ang P100,000 para lima ka scholars nga mapilian sang Barangay kag ang P100,000 ang para sa proyekto nga himuon sang kada Barangay.
Lantawon pa kun may ara sang maabot nga opisyales sang national government nga magasaksi sang releasing sang financial assistance sa ciudad kaangay sang pag-release sa Negros Occidental nga nagpadulong diri ang Assistant Secretary sang Office of the President kag si Cabinet Secretary Benhur Abalos.
