Tubig sa suba, hinali nga nangin pula kaangay sang dugo

Madamo lang sa karun sang mga makatilingala nga mga hitabo sa atun nga palibot kag sa mga kalibutan isa na diri ang Sarandí stream sa Buenos Aires, Argentina.

Ini matapos nga ginkatingala kag nagtuga sang kahangawa sang mga residente ang pagbaylo sang tubig sa nasambit nga suba nga daw kaangay ini sang dugo nga nagailig.

Nagbaylo ang duag tubig nga nangin pula na ini samtang nagailig sa suba sang Rio de la Plata kag madamo sang nagakahangawa nga halin ini sa industrial chemicals.

Suno sa report, may history na ang suba sang problema sa kontaminasyon bangud sa madamo nga mga factories malapit diri.

Suno sa environmental ministry sang Buenos Aires Province, ginpaidalum na sa test ang tubig kag ginahulat nalang ang resulta.