Gindangop sa Ipa Bombo Ta sang Bombo Radyo Bacolod ang madulom nga dala sa Talisay City, Negros Occidental.
Sa video nga nakuha sang isa sa mga naglabay sa lugar nga tuman ka dulom ang dalan halin sa banga dose padulong sa bangga Nakab sa nasambit nga ciudad.
Madamo man sang mga poste sang streetlights nga nakita sa lugar apang wala ini nagaandar.
Ang makita nga nagasiga sa dalan amo ang stud lights nga yara sa tunga sang dalan.
Sa impormasyon nga nakuha sang Bombo News Team humalin pa sang December sang tinalikdan nga tuig nga wala nagasiga ang mga streetlights sa nasambit nga dalan nga kabahin pa sang national road.
Panawagan sang mga nagalabay sa nasambit nga dalan sa Local Government Unit sang Talisay City nga mapasiga na ang mga streetlights agud nga magsanag ang dalan kag indi na mabudlay sa mga motorista.
