Ginkumpirmar sang Turkish businessman nga si Yilmaz Bektas nga magapadulong ini sa Pilipinas para bisitahon ang ex-wife sini nga si Ruffa Gutierrez kag duha nila ka bata nga sanday Lorin kag Venice.
Ginpost ni Yilmaz sa social media nga matuod nga siya ang magabisita sa Pilipinas.
Ginpahayag man ni Ruffa nga luyag ni Yilmaz nga magbalik sa iya.
Suno pa diri, ‘Boss’ ang tawag sa iya sang iya anay bana bangod siya ang boss sini kag indi na makakita pa si Yilmaz sang babayi nga kaangay niya.
Dugang pa sini, luyag ni Yilmaz nga magpropose liwat sa iya nga una sini ginpatihan nga joke lang.
Gin-invite siya ni Yilmaz nga maglagaw sa Europe apang nagjoke ini nga basi ginaplano lang sang anay bana niya nga patyon siya.
Naghambal naman si Yilmaz nga siya na lang ang mabisita kay Ruffa sa Pilipinas kag suno kay Ruffa welcome ini nga magbisita sa pungsod.
