Ginkumpirmar sang alkalde sa ciudad sang Bacolod nga indi madayun ang turn over ceremony para sa mga units sa Yuhum Housing Village sa Desyembre 20 nga pagapangunahan kuntani ni President Ferdinand “Bongbong” Marcos Jr.
Nahibaluan nga ang Yuhum Housing Village amo ang pinakauna nga proyekto sa idalum sang Pambansang Pabahay para sa mga Pilipino (4PH) Program.
Sa pahayag ni Bacolod City Mayor Alfredo “Albee” Benitez, ang Marcos Administration ang magalunsyar man sang “Bagong Pilipinas” sa Enero kag luyag sang administrasyon nga kadungan nalang sini ang turn over ceremony para sa Yuhum Housing Village.
Ginalantaw sang alkalde nga mahimo madayun ang aktibidad sa ikaduha nga semana sang Enero 2024.
Sa pihak nga bahin sa baylo nga duha ka 4-storey condo type building lamang kuntani ang i-turn over subong nga Desyembre 10, mahimo nga tapuson na lamang ang apat ka 4-storey building sa turn-over ceremony sa Enero.
