Amat-amat nga naghinay ang hulag sang Typhoon DOMENG, apang nagapabilin gihapon ang kabaskugon sini.
Ang sentro sang Bagyo ang ulihi nga nasiplatan sa 655 km sa East Northeast sang Itbayat, Batanes.
Dala sini ang kabaskugon sang hangin nga nagadangat sa 130 km/h kag pagmadlos nga tubtob 160 km/h.
Ang Bagyo ang nagahusoy sa North northwestward nga dereksyon sa kadasigon nga 15 km/h.
Lauman naman ang maulanon nga panahon sa Batanes, Babuyan Islands, Metro Manila, CALABARZON, MIMAROPA, Bicol Region, Panay Island, kag sa atun sa Negros Occidental.
Ini bangod ginabutong kag ginapabaskog pa sang Bagyo ang Soutwest Monsoon ukon Hangin Habagat.
Ang Typhoon DOMENG ang ginalauman nga magliko na sa naaminhan nga dereksyon sumugod subong nga aga, kag magapadayun sa north northeastward padulong na sa southern Japan.
Ang Bagyo ang ginalauman nga maggwa sa Philippine Area of Responsibility subong nga aga ukon karun sa hapon.
Ginalantaw man nga mapabilin sini ang Typhoon category tubtob makalab-ot sa Okinawa, Japan, kag ini ang sunod na nga magahuyang.
