Subong nga Sabado, ang sentro sang bagyong Rosal nga may international name nga Champi ang yara sa 415 km naaminhan sang Itbayat, Batanes.
Ang hangin sini ang may kabaskugon nga nagadangat sa 150 km/h kag pagmadlos nga tubtob sa 185 km/h.
Naghuyang na ang bagyo samtang nagapadulong sa southwestward nga direksyon.
Lauman nga maggwa na sa Philippine Area of Responsibility (PAR) ang bagyo subong nga aga.
Ang Batanes na lamang ang nagpabilin nga nakapaidalom sa Tropical Cyclone Wind Signal no. 1.
Sa forecast weather conditions, bantayan ang pagbubo sang ulan kag pagmadlos sang hangin sa Batanes tuga sang bagyo.
Maeksperyensyahan naman ang lapta-lapta nga pag-ulan sa Ilocos Region, Babuyan Islands, Apayao, Abra, kag Benguet nga dala sang trough sang bagyo.
Lauman man ang lapta-lapta nga mga pag-ulan sa Visayas, Zamboanga Peninsula, Northern Mindanao, Palawan, Masbate, Sorsogon, Agusan del Norte, Surigao del Norte, Dinagat Islands, Basilan, kag Tawi-Tawi tuga sang Intertropical Convergence Zone (ITCZ).
Samtang, may posibilidad sang tumalagsahon nga pag-ulan sa Metro Manila kag nabilin nga bahin sang pungsod bangud sa localized thunderstorms.
