ABU DHABI – Nagtaliwan si United Arab Emirates President Sheikh Khalifa Bin Zayed Al Nahyan, isa ka pro-Western modernizer nga nag-align sang Gulf Arab state agud mangin malapit sa Estados Unidos kag mga allies sini, kahapon sa edad nga 73.
Gin-anunsyra sang Ministry of Presidential Affairs ang kamatayon ni Khalifa, nga amu man ang pinuno sang Abu Dhabi, ang pinakamanggaranon nga emirate sa UAE, apang wala na sila naghatag sang dugang nga detalye.// Si Khalifa, nga ginbun-ag sang 1948, ang wala na maayo nagakit-an sa publiko humalin sang ini ang nagsuprer sang stroke sang 2014.
Magapatigayon naman sang mga funeral prayers para sa iya.
Suno sa iya half-brother nga si Abu Dhabi Crown Prince Sheikh Mohammed bin Zayed, nawad-an ang UAE sang matarong nga bata kag pinuno sang ’empowerment phase’.
Si MBZ ang natalana nga mangin bag-o nga pinuno sang Abu Dhabi, nga nagauyat sang manggad sang UAE sa krudo kag nag-uyat sang presidency humalin sang gintukod ang UAE federation sang amay ni Khalifa nga si late Sheikh Zayed bin Sultan al-Nahyan sang 1971.
Sa idalum sang Konstitusyon, si vice president kag premier Sheikh Mohammed bin Rashid al-Maktoum, pinuno sang Dubai, ang magaserbi nga Presidente, tubtob nga makakitaay ang federal supreme council, grupo sang mga rulers sa pito ka emirates, sa sulod sang 30 ka adlaw agud magpili sang bag-o nga Presidente.
