Madamo sang naingganyo ang ubas nga tanum sang 70 anyos nga si Rebecca Inventor bangod nga halos mapuno ang ugsaran sini sa Brgy 35, Bacolod City.
Sa interview sang Bombo Radyo kay Inventor, makapila sini ka beses nagtanum sang ubas apang masami ini nga nagakapatay.
Suno diri, apisar diri wala siya nag-untat sa pagtanum tubtob nga nagtubo kag nagdamo ang ubas sa iya ugsaran.
Madamo sa karun sang nagapadulong sa iya balay para maglantaw sang iya tanum apang ginakasubo man sini kun kaisa nga ginakuha na ang bunga sang ubas bisan pa nga hilaw sang iya mga apo mismo kag may yara pa sang insidente nga ginakawat ini.
Suno kay Inventor, ginasturya sini ang iya tanum nga kun mahimo indi ini tingob mamunga agud nga padayon lang ang ila pagkaon sang ubas kag kaangay nga nagapamati ang tanum sini bangod nga wala ini untat nga nagapamulak kag nagapamunga.
Isa man sa nanamian sini amo nga makita ang iya tanum nga daw kaangay sang paraiso.
Sa luyag nga maglantaw ukon magbakal sang tanum nga ubas ni Inventor, mahimo lamang magpadulong sa iya balay kag nagpanugyan man ini sa tanan nga maghandum man nga magtanum kaangay niya.
