Gin-anunsyo ni Keir Starmer nga ini ang magabiya na sa pwesto bilang Prime Minister sang United Kingdom kag lider sang Labour Party.
Suno kay Starmer, ginabaton niya ang desisyon sang iya nga parliamentary party nga indi na siya ang nagakaigo nga magpamuno sa masunod nga eleksyon.
Madumduman nga si Starmer, nga nagdala sa Labour sang landslide victory sadtong 2024, ang nag-atubang sang pagsarurot sang popularidad sang partido kag malala nga pressure halin sa mga kaupdanan.
Gintalana sini ang Hulyo 9 bilang pag-umpisa sang nominasyon para sa bag-o nga lider, nga ginalauman makumpleto antes ang pagbalik sang Parliament sa Setyembre.
Sa iya emosyonal nga mensahe, ginpasalamatan sini ang iya asawa kag mga kabataan, kag ginpahayag nga ang pagpamuno sa pungsod ang pinakadako nga kadungganan sa iya nga kabuhi.
Ang pagbiya ni Starmer ang naghatag sang kahigayunan para kay Andy Burnham, anay mayor sang Greater Manchester, nga posible magabulos sa pwesto samtang, opisyal na ini nga nangin Member of Parliament matapos magdaug paagi sa eleksyon, nga nagbalik sa iya sa Westminster.
