Nagdeklarar ang Ukraine sang state of emergency sang Miyerkules kag ginhambalan ang ila mga pumuluyo sa Russia nga maghalin sa pungsod, samtang nagsugod naman ang Moscow sa pag-evacuate sang Kyiv embassy kadungan sang nagalala nga tension sa tunga sang duha ka pungsod.
Antes ini, una na nga ginpahayag ni Ukraine Secretary of National Security and Defence Council Oleksiy Danilov nga nagaplano ang gobyerno nga magpatuman sang 30-day state of emergency nga posible nga ma-extend tubtob 60 ka adlaw santo sa desisyon ni Ukrainian President Volodymyr Zelenskyy.
Ang 30-day state of emergency ang sarang makapugong sa kahilwayan sang movement sang conscripted reservists, makit-an ang mga curbs nga gin-impose sa media kag pangunahan ang personal document checks, suno sa isa ka draft text nga kinahanglan pa nga aprubahan sang parliament.
Ang restrictions ang igapatuman, subong nga adlaw, Huwebes.
Gin-anunsyar man sang Ukrainian government ang compulsory military service para sa tanan nga mga lalaki nga yara na sa edad agud makig-away.
Ang Ukranian government kag state websites, nga naka-eksperyensya sang outages sa nagliligad nga semana bangud sa cyber attacks, ang offline nanaman kahapon.
Bangud diri, apektado man ang parliament, cabinet kag foreign ministry websites sang Ukraine.
Sang Miyerkules, ginhukas sang Moscown ang flags sini nagikan sa ila embahada sa Kyiv, kag nagmando sa mga diplomats nga mag-evacuate para sa safety reasons.
