Nagtuga sang grabe nga halit kag kinagamo sa Moscow matapos ginlunsyar ang ginkabig pinakadako nga drone attack sang Ukraine humalin sang nag-umpisa ang gyera batok sa Russia sa diin kapin 200 ka mga drones ang ginlunsyar padulong sa capital sang Russia.
Naigo ang isa ka refinery sa Moscow nga nagresulta sang madamol nga aso kag nakarecord sang 17 ka pilason nga mga indibidwal.
May mga residente man nga nagreklamo nga daw nag-ulan sang langis apang ginpanginwala ini sang mga otoridad.
Bangud sa pag-atake, temporaryo nga ginsirado ang pila ka mga airport kag ginatos nga mga byahe ang apektado.
Samtang, pila man ka drone kag missile ang nareport nga na-intercept sang Russia sa nagkalain-lain nga bahin sang pungsod.
Naglawig na sang apat ka tuig ang gyera sa tunga sang Ukraine kag Russia apang nagapadayon gihapon ang pagbaylohanay sang pagpang-atake tubtob subong.
