Naglunsyar sang pagpang-atake ang pwersa militar sang Ukraine sa diin masobra 800 ka mga drones ang gingamit, isa sa pinakadako nila nga drone attacks batok sa Russia.
Samtang, gin-igo man sang isa ka russian missile ang isa ka bahin sa northeastern Kharkiv sa Ukraine, sa diin nautas ang kabuhi sang indi magnubo sa napulo ka indibidwal kag 17 ka mga pilason.
Padayon kag nagalala ang pagpang-atake sang duha ka pungsod gamit ang long-range aerial strikes.
Bangud sa kadamuon sang drones kag ground robot sa ginabanta 1,250 km nga frontline ukon battle zone sa nasidlangan kag nabagatnan nga bahin sang Ukraine, limitado lamang ang hulag sang mga suldado kag halos wala sang dalagko nga pagbag-o ukon progreso sa posisyon sang magkatuhay nga kampo, santo sa mga analysts.
Tinutuyo sang Ukraine nga mabatyagan mismo sang mga ordinaryo nga pumuluyo sang Russia ang epekto sang konflikto agud ma-pressure si Russian President Vladimir Putin kag ginalauman nga ini ang magtulod sa iya nga makig-negosasyon para tapuson na ang kinagamo.
Apang, tubtob sa karon, wala sang senyales nga untaton ni Putin ang mga pagpang-atake.
