Preparado na ang Ukraine nga mag-negotiate apang indi magsurrender suno kay Ukraine Deputy Prime Minister Yulia Svyrydenko sang Miyerkules samtang amat-amat nga nagagwa ang mga detalye sa media reports sang isa ka US proposal deal kun sa diin makit-an nga i-give up sang Ukraine ang halos tanan sini nga teritoryo nga okupado sa karun sang Russia.
Suno kay Svyrydenko, wala sang agreement nga magahatag sa Russia sang mas makusog nga mga pundasyon nga kinahanglan sini agud mag-regroup kag magbalik gamit ang mas dako nga violence.
Suno diri, indi magbaton ang mga pumuluyo sang isa ka frozen conflict nga nagapakuno-kuno bilang kalinong.
Sa pihak nga bahin, ginaduso sang Ukraine ang isa ka full, immediate kag unconditional ceasefire kaupod ang mga negotiations proceeding matapos nga ini ang ma-establish.
