Indi lamang pwesto para sa finals ang nakuha sang Ukrainian freestyle skier Kateryna Kotsar sa Winter Olympics 2026, siya ang nag-angkon man sang fiancee kadungan sang Valentine’s Day.
Umpisa pa lamang, may panagupnop na si Kotsar nga may maayo nga matabo sa iya paghampang sang Sabado, apang wala ini naglaom nga duha ka maayo nga butang ang maga-abot sa iya.
Ang una nga ginselebrar sini amo ang pagdaog sa qualifying round sang big air competition, matapos makaland sang duha ka solid jumps.
Sa iya third run, si Kotsar ang nagcrash pa kun sa diin naglabog ang iya skis kag goggles, apang ini ang nakakuha na sang nagakaigo nga puntos para magsaka sa rank 11th, sulod sa cutoff nga 12 ka skiers nga maga-abanse sa finals.
Matapos ang performance, hinali na lamang nagluhod sa iya atubangan ang iya nobyo kag nagpropose sang kasal.
Gilayon man nga ginbatun sang 25 anyos nga atleta ang proposal.
Suno kay Kotsar, wala sini nadumduman nga Valentine’s Day sang Sabado, kag wala man ini sang suspetsa nga magapropose ang iya boyfriend nga si Bohdan Fashtryha.
Ginpadayaw man sini ang iya suksok nga engagement ring, kag ginpahayag nga ang natabo ang duha ka tuman ka dako nga bahin sang iya kabuhi.
