-- ADVERTISEMENT --
Ginpahayag ni Ukrainian President Volodymyr Zelenskyy nga nagasalig ang Ukraine sa Amerika sa pagpangita sang paagi padulong sa kalinong sa nagapadayon sa karun nga bilateral meeting sa tunga nanday US President Donald Trump kag Russian President Vladimir Putin sa Alaska.
Suno kay Zelenskyy, tion na para matapos ang gyera kag tuman kataas ang ila paglaom sa mangin resulta sang summit sang Amerika kag Russia.
Una na nga ginhangkat sang mga European Leaders nga dapat malakip sa meeting si Zelenskyy.
Apang ginpahayag ni Trump nga kun mangin madinalag-on ang summit nila ni Putin, liwat ini nga magapatigayon sang meeting kaupod na si Zelenskyy.
