Gindumdum sang Vatican ang ulihi nga mga inoras ni Pope Francis antes ini nadulaan sang kabuhi.
Sang Easter Sunday, ginpasalamatan ni Pope Francis ang iya personal nurse bangud sa pag-encourage sa iya nga i-greet ang crowd sa St. Peter’s Square nga suno sa Vatican, ginalantaw nga nalakip sa mga ulihi nga tinaga sang Santo Papa.
Ang Argentine pontiff, 88-anyos, ang nagtaliwan sang Lunes sang aga bangud sa isa ka stroke, indi maglapaw isa ka bulan matapos nga nakapauli ini nagikan sa lima ka semana nga confinement sini sa Gemelli hospital bangud sa double pneumonia.
Ginhambalan sini ang iya nurse nga si Massimiliano Strappetti nga tuman ang iya pagpasalamat bangud nakabalik ini sa square.
Pagkahapon, nagpahuway ini sa iya Vatican residence sa Casa Santa Marta kag nakaangkon sang malinong nga panyapon.
Sang Lunes kapin alas 5:30 sang kaagahon, nagtuhaw ang una nga mga senyales sang balatian sini.
Pagkatapos sang masobra isa ka oras, nagwave ini kay Strappetti nagikan sa iya hiligdaan nga ginlaragway bilang “a gesture of farewell” antes ini nacomatose.
Si Francis ang gindeklarar nga patay alas 7:35 sang aga.
