Padayon sa gihapon ang pagpangita sa ulo sang lalaki nga nasapwan sa kampo sang tubo sa Purok Buntod, Barangay Poblacion 2, Sagay City, Negros Occidental.
Ginkilala ang biktima kay Joel Lacao-Lacao alyas “Karang,” 30-anyos, wala sang asawa, residente sang Purok Tangke sa nasambit nga barangay.
Una na nga ginpahayag sang hepe sang Cadiz City Police Station nga nagikan ang biktima sa kapiestahan sang Enero 27 kag nag-inom sang makahulubog nga ilimnon.
Kaagahon sang Enero 28, nagpauli ang biktima kaupod ang mga abyan sini, apang nasapwan na lamang ang bangkay sini nga wala sang ulo.
Sa interview sang Bombo Radyo kay Plt Col John Mocyat Jr, hepe sang Sagay City Police Station, nangayo ini sang bulig sa Barangay kag sa mga residente sa lugar agud mapadasig ang pagpangita sang ulo sang biktima.
Suno kay Mocyat may yara na sila sang persons of interest sa nagluntad nga krimen samtang padayon pa ang imbestigasyon sa paghibalo sa motibo sa pagpatay.
