Nangin matawhay ang pagresume sang plebisito angot sa Joint Venture Agreement sa tunga sang Central Negros Electric Cooperative kag PrimElectric kahapon.
Sa interview sang Bombo Radyo Bacolod kay Atty. Arnel Lapore, general manager sang CENECO, smooth ang lakat sang plebisito kag wala man sang problema nga dalagko.
Dako ang pagsalig sini sa mga manunudlo nga nagahandle sa pagbotohay sa tagsa ka mga buluthuan.
May yara man sang gin-assign nga mga abogado sa mga buluthuan para mag-address sa mga legal concerns.
Suno kay Lapore, kada matapos ang pagbotohay sa isa ka adlaw, ginakuha ang boto kag ginatally sang Overall Plebiscite Committee.
Pahayag ni Lapore, may yara sa gihapon sang mga area nga wala pa sang may nagpalapit para magboto apisar sa ila effort sa pagpangagda sa mga konsumedor.
Liwat naman ini nga nagpanugyan sa tanan nga magboto sang timprano agud wala na sang iban pa nga paminsaron kag makapadayon sang tagsa ka buluhaton.
Mensahe sini nga magboto sa desisyon nga makapamaayo sa serbisyo kag kooperatiba sang CENECO.
