Nangin matawhay ang ginpatigayon nga rally-protest sang pila ka mga drivers’ kag operators’ sang traditional jeepney santo sa assessment sang Bacolod Police Station 3.
Kahapon nagpatigayon ang pila ka mga traditional jeepney drivers and operators sang rally-protesta sa Bata flyover, Bacolod City.
Sa interview sang Bombo Radyo Bacolod kay Police Captain Rondyl Tapang, station commander sang Bacolod City Police Station 3, nagdisperse man sang matawhay ang mga nagpatigayon sang rally-protest sa Bata flyover.
Suno kay Tapang, gin-estorya nila ang leader nga kinahanglan sang mga kapulisan nga ipatuman ang layi kag wala naman sang madamo nga estorya, nagdisperse man ang mga ini kag nagsaylo sa Bacolod Public Plaza.
Wala man sang nagluntad nga mga kinagamo indi kaangay sang mga tinalikdan nga mga ginpatigayon nga rally-protest.
Nagpanawagan man si Tapang sa tanan nga mga luyag nga magpatigayon sang rally-protest nga himuon ang nasambit nga aktibidad sa freedom park ukon Bacolod City Public Plaza.
Suno sa station commander sang Bacolod Police Station 3 nga santo sa ordinansa sang ciudad dapat nga magpahibalo ang mga ini sa alkalde kun sila ang magapatigayon sang rally-protest sa freedom park.
