Ginpatigayon ang una nga adlaw sang distribution sang libre nga school supplies sa Antonio L. Jayme Elementary School kadungan sang pagbukas sang klase kahapon, Hunyo 8.
Suno kay Bacolod City Mayor Greg Gasataya, ang mga school supplies ang napadala na sa tagsa ka mga eskwelahan sa ciudad sang Bacolod kag ginalauman nga matapos ini panagtag makaligad ang pila ka adlaw sa mga elementary kag highschool students.
Suno kay Gasataya, samtang nga ginapanagtag ang school supplies nakabaton ini nga may yara sang late enrolees gani maga-coordinate ang City Government sa tagsa ka school principal kag sila na ang ma-instruct sa mga teachers nga kuhaon ang additional numbers sa mga late enrollees.
Suno diri, kalabanan sa mga late enrollees ang wala nadala sa estimate sang DepEd apang indi man ang mga indi dapat magkabalaka bangud ang ciudad ang nakapreparar man para sa mga ini kag ginalantaw nga sa madason pa nga inadlaw mahibaluan kun pila gid ang numero sang estudyante nga nakabaton sang libre nga school supplies.
