Nangin matawhay ang pagpatigayon sang simbang gabi sa syudad sang Bacolod santo sa assessment sang Bacolod City Police Office sa pihak sang mga nakita nga paglapas sa pila ka mga health protocols.
Sa interview sang Bombo Radyo kay BCPO spokesperson Police Lt. Col. Ariel Pico, nagasunod ang mga nagasimba sa proper health protocols kaangay sang pagsuksok sang facemask, faceshield, kag nagasuksok sang faceshield.
Naaddress naman ang mga nakita nila nga violations kaangay sang pagilinutok sa nagabaligya sang bibingka kaina sang kaagahon.
Wala man ginalipod kag manigar nga may yara sang nagapinasaway ilabi na sa mga lugar nga wala sang suga apang nagdeploy naman ang BCPO sang mga personnel nga magsaway sa mga ini.
Ginpahayag man sini nga sang kahapon may yara man sang pagginutok pagkatapos sang first mass nga ginsundan gilayon sang second mass nga naglapas sang health protocol apang kaina sang kaagahon, nakita na sang mga ini nga indi na pareho ang sitwasyon kahapon bangud napractice na ang social distancing bangud sa bulig man sang mga katapo sang simbahan.
Nagalaom man si Pico nga magpadayon ang pagpatuman sang basic health protocols ilabi na ang pagminimize sang mga ginikanan nga nagabitbit sang ila mga kabataan sa tion magsimba bangud wala pa nadula ang COVID-19.
Na-obserbahan man sang BCPO nga nagdamo ang volunteers nga nagbantay agud mapatuman ang health protocols kag wala man sang insidente sa ikaduha nga adlaw sang simbang gabi.
Ginatugutan man nila ang mga katapo sang simbahan nga maggwa sang mas temprano apisar nga may curfew.
Nagpanugyan man ini sa mga ginikanan nga updan ang mga kabataan kag indi gilayon magpati sa ila mga kabataan bangud kalabanan sa mga ini ang wala nagasimba kag iban ang ginakadtuan.
Nagpahanumdom naman ang mga ini sa may mga motor kag mga salakyan ang dapat may yara sang suga agud nga malikawan ang insidente kag magobserbar sang parking policies.
Nagpanugyan man ini sa mga nakainom nga indi na lang magpasimbahan.
