Arestado ang 30 anyos nga mangunguma sa pinakauna nga narekord nga paglapas sa COMELEC Resolution 10918 ukon Comelec Gun Ban kag paglapas sa RA 10591 ukon Comprehensive Firearms and Ammunition Regulation Act.
Ang suspetsado ang ginkilala nga si Michael Segunla, 30-anyos, isa ka mangunguma kag residente sang Sitio Sibato, Brgy. Guimbalaon, ciudad sang Silay kag ini naaresto sa Hernaez Street, Barangay Taculing, ciudad sang Bacolod.
Gin-aresto si Segunla kasunod sa reklamo batok diri nga masami ini magpamahog sa mga residente.
Nakumpiskar sang Bacolod Police Station 6 kay Segunla ang isa ka 38 caslibre magnum revolver nga wala sang serial number, anum ka mga bala kag isa ka bolo.
Sa karun yara na sa kustodiya sang Bacolod Police Station 6 ang suspetsado samtang ang armas luthang naman ang gindala sa Negros Occidental Provincial Forensic Unit 6 sa Camp Alfredo Montelibano sa Bacolod para sa ballistics examination.
