Nangin malinong ang ginpatigayon nga first hearing para sa franchise sang Negros Electric Power Cooperative (NEPC).
Sa interview sang Bombo Radyo kay NEPC president Roel Castro, kahapon wala man sang may nagpamatok sa application sang franchise apang may nagluntad lamang nga mga kwestyon angot plebisito kag dokyumento sang kooperatiba.
Suno diri, nahatag na ang derektiba nga dapat mapasa ang mga dokyumento nga iga-review.
Pahayag ni Castro, financial struggle ang dako nga problema sang Central Negros Electric Cooperative (CENECO) kun sa diin nagadangat sa P20 million tubtob P30 million kada bulan ang system loss.
Isa man sa nangin problema amo ang limitado nga personnel sang response team nga sa tion sang kinahnaglanon, madugay ang pag-abot kag pagtrabaho.
Dako ang pagpati ni Castro nga mangin maayo ang resulta sang Joint Venture Agreement sang CENECO kag More Power, kun sa diin matapos ang hearing, nahambal ang tanan nga issue kag naplastar ang procedures.
Para kay Castro, maga-umpisa na ang paghatag sang mas maayo nga serbisyo sang kuryente sa mga konsumidor paagi sa pagpamalakad sang NEPC.
