Mahimo nga maresolba na sini nga tuig ang mga una nga kaso may kaangtanan sa flood control scandal nga sa karon gina-usisa sa Sandiganbayan.
Sa ginpatigayon nga Senate Finance Committee deliberation para sa proposed budget sang judiciary sa 2027, ginpahayag ni Sandiganbayan Presiding Justice Geraldine Faith Econg nga posible nga magpagwa na sang desisyon ang korte nahanungod sa conviction ukon acquittal sang mga akusado.
Suno kay Justice Econg, ang pinakauna nga kaso nga gin-file sang Office of the Ombudsman sang Nobyembre 18, 2025 ang yara na subong sa defense stage antes pa man mag isa ka tuig.
Suno diri, kun sundon ang probisyon sang Speedy Trial Act sang Korte Suprema, may dako nga posibilidad nga matapos kag madesisyunan na ang nasambit nga kaso antes matapos ang tuig.
Kalakip sa mga high-profile individual nga naaresto kag priso na subong amo sanday anay House Speaker Martin Romualdez kag Senator Jinggoy Estrada.
