Gintalakay ni President Ferdinand “Bongbong” Marcos Jr. ang nagkalain-lain nga mga issue nga ginapangatubang sang Pilipinas kasubong man ang iya plano para sa mga ini sa iya una nga State of the Nation Address (SONA) kahapon.
Ginsuguran ni Marcos ang iya speech sa pagpromisa nga magapangita ini sang solusyon sa mga problema sang Pilipinas.
Sa bahin sang ekonomiya, ginpahayag ni PBBM nga magapatuman ang iya administrasyon sang sound fiscal management kasubong man ang pagbutang sang tax admin reforms agud madugangan ang revenue collections sang pungsod.
Makaangkon man sang adjustments sa tax system agud makalagas sa madasig nga development sang digital economy lakip na ang imposition sang VAT sa digital service providers.
Nagpromisa ini nga mas pasanyugon pa ang value chain nagikan sa mga mangunguma sa pungsod.
Magapagwa ang presidente sang executive order tuhoy sa one-year moratorium sang land amortization kag interest payments bilang pagsuporta sa mga mangunguma.
Ginhangkat naman sini ang Kongreso nga magpasar sang layi nga magapadula sang utang sang kapin 654,000 agrarian reform beneficiaries.
Pagasiguruhon sini nga matinluan ang listahan sang 4Ps beneficiaries agud masiguro nga makadto lamang sa mga kwalipikado nga pamilya ang bulig nga ginpain sang gobyerno para diri.
Magapadayon man suno kay Marcos ang supplemental feeding para sa mga bata.
Ginhangkat sini ang tanan nga magpabkuna na sang booster shot bilang preparasyon sa implementasyon sang full face-to-face classes.
Ginmanduan man sang Presidente ang Department of Health kag Department of the Interior and Local Government nga maglunsyar sang bag-o nga rollout sang mag booster shots.
Ginpahayag sini nga dapat may yara sang madasig nga internet access ang mga kabataan para sa ila pag-eskwela kag iban pa.
Nagmando si Marcos nga himuon nga full speed ahead ang mga infrastructure projects kag magatukod man ini sang bag-o nga power plants bilang kabahin sang plano nga pagdugang sang energy production sa pungsod.
Gintalakay ni PBBM ang paggamit sang renewable energy kag solar power efficiency kasubong man ang plano sa pagtukod sang kaugalingon nga power plant sa Pilipinas kag paggamit sang renewable energy bilang sabat sa top climate agenda sang pungsod.
Nagpanawagan ang Presidente sa Department of Foreign Affairs nga magbulig sa Department of Migrant Workers agud siguruhon nga may trabaho ang mga OFWs nga nawad-an sang ubra.
Nagikan sa tatlo ka bulan, mangin tatlo ka semana na lamang ang pagproseso sang applications sang mag OFW kag pagahimuon nga simple ang handbook sang mga pagsulundan nga igahatag sa ila.
Nagpromisa man ini nga indi sini pagpahanugutan kag pagbay-an nga makuha sang foreign invaders ang maskin gamay nga inch sang teritoryo sang pungsod.
Samtang, ang mga priority legislative measures ni Presidente Marcos Jr. ang ginalakipan sang National Government Rightsizing program, Budget Modernization Bill, Tax Package 3 (Valuation Reform Bill), Passive income and financial inquiry taxation act, E-government Act, Internet transaction Act, Government Financial Institutions Unified Initiatives, Medical Reserve Corps, National Disease Prevention Management Authority, Creation of the Virology Institute of the Philippines, Department of Water Resources, Unified System of Separation, Retirement, and Pension, E-Governance Act, National Land Use Act, National Defense Act, Mandatory Reserve Officers’ Training Corps and National Service Training Program, Enactment of an enabling Law for the Natural Industry, Amendments sa Electric Power Industry Reform Act kag Amendments sa Build-Operate – Transfer Law.
