Gintalana sang Trial Chamber III sang International Criminal Court (ICC) ang una nga status conference sa kaso ni former President Rodrigo Duterte sa Mayo 27, bilang kabahin sang progreso sang trial.
Santo sa ICC, kinahanglan nga magsumiter ang prosecution kag defense sang ila tagsa ka mga dokumento kag ebidensya antes ang deadline sa Mayo 15.
Lakip na diri ang mga trial briefs, disclosure sang mga materyales, kag iban pa nga mga importante nga detalye para sa kaso.
Tinutuyo sang status conference nga hibaluon ang timetable ukon schedule sang trial kasubong man sang mga masunod nga tikang sa proseso.
Una na nga ginkumpirmar sang Pre-Trial Chamber I ang tatlo ka counts sang crimes against humanity batok kay Duterte, rason kun ngaa nagsaylo na sa trial phase ang kaso.
Sa sini nga tikang, mas pormal na nga paga-umpisahan sang ICC ang trial sa kaso sang anay presidente, nga yara karon sa kustodiya sa The Hague humalin pa sang Marso 2025.
