Gin-abisuhan sang presidente sang Bacolod Alliance of Commuters Operators and Drivers Inc. (BACOD) nga magapanago lang anay ang mga miyembro sang ila grupo sa tion nga may dakpanay.
Nahibaluan nga ang mga unconsolidated traditional jeepneys ang pagadakpon na matapos nga natapos ang 15 days nga grace period nga makabiyahe ang wala nagpaconsolidate.
Sa interview sang Bombo Radyo Bacolod kay Rudy Catedral, magabiyahe sila bisan nagakahangawa nga sila ang madakpan sang Land Transportation Office.
Suno kay Catedral, nakahibalo man siya nga may mga miyembro sila nga magauntat na sa pagbiyahe bangud indi magrisgo bangud tuman kadako ang multa.
Ginpahayag man sini nga may yara sang patigayunon nga congressional hearing ang Imga unconsolidated tradional jeepneys sa Mayo 21 para sa long term solusyon sa problema sang transport sector.
Nagpangayo man ini sang pasaylo sa mga commuters nga nadelay bangud sa ginhimo nila nga rally kahapon apang nagapanindugan ini nga ang ila ginahimo ang para kaayuhan sang kadam-an.
