Nagalaom ang secretary general sang United Negros Drivers and Operators Center (UNDOC) nga mangin madinalag-on ang ila ginapatigayon sa karun nga People’s Holiday ukon transport strike bangud sa asod-asod nga pagsaka sang presyo sang produktong petrolyo.
Alas 3:00 kaina sang kaagahon nagsugod ang transport strike sa probinsya kag ciudad kag ini ang magadugay tubtob sa Martes, Marso 22.
Sa interview sang Bombo Radyo kay UNDOC Secretary General Diego Malacad, nagapanawagan ang transport groups kaupod ang kasimbahanan sa mga pumuluyo, drivers kag operators nga ugyunan ang People’s Holiday.
Suno kay Malacad, ang nasambit nga aktibidad ang para man sa benepisyo sang tanan kun mangin madinalag-on kag magpatuman sang rollback sa presyo sang produktong petrolyo pagka-Martes.
Suno sa iya, nagpagwa naman sang statement ang grupo sang mga taxi drivers kasubong man ang iban nga transport groups nga sila makigbahin kag maga-ugyon sa aktibidad agud ipakita nga sila ang nagaisa.
Kun may yara sang magabyahe bwas, suno diri, ini ang nagapatimaan nga siya ang pabor sa nagasaka nga presyo sang produktong petrolyo kag labugay sa protesta.
Indi naman ini makahambal sa baylo sang Vallacar Transit Inc. bangud indi sila konektado kag ila naman ini una nga gin-imbita apang matig-a gid.
Magahatag sang suporta ang mga business process outsourcing (BPO) kun sa diin kalabanan ang didto na nga daan nagtulog sa ila mga kumpaniya kag magahatag man sang medic sa mga rally centers.
Ang mga rally centers ang nahamtang sa Talisay City, sa flyover sa Barangay Bata, sa dalan sa Robinson Place Mandalagan, sa Ramos, Lopues East, sa 7/11 Homesite, sa flyover sa Magsaysay, sa Singcang Airport, sa highly urbanized relocation site sa Handumanan, Felisa kag Bangga Cori.
In kaso naman nga may kinahanglan nga dal-on sa ospital, ilubong ukon may emerhensiya, sila ang pabal-on lamang.
