Nagpanindugan ang presidente sang United Sugar Producers Federation (Unifed) nga indi dapat tuman kamahal ang presyo sang kalamay bangud madamo sang stock ang gobyerno sang kalamay kag wala man nagakawad-an sang ginabaligya sa merkado.
Suno kay Manuel Lamata, damo ang stock sang kalamay apang mahal lang gani kinahanglan gilayon nga mag-import sang refined sugar apang indi pag-ihatag sa industrial users kundi sa mga retailers sa merkado agud magnubo ang presyo sini samtang ang raw sugar ang dapat nga magpabilin ang presyo.
Ginpahayag man sang presidente sang Unifed nga sa tunga-tunga sa bulan sang Setyembre ukon katapusan sang nasambit nga bulan magwa na ang mga bag-ong galing magadamo na ang kalamay kag ginalauman nga magbarato na ang presyo sini sa merkado.
Samtang, kapin isa ka bulan naman matapos nga nagumpisa ang milling season may yara naman sang available sugar locally.
Suno kay Lamata mahimo man nga mapasakaan sang presyo sang kalamay bangud kinahanglan man nga icompensate ang mga gasto sa production apang dapat indi ini magdangat sa P100.00 kada kilo.
