Nagapanawagan sang intervention sang gobyerno ang United Sugar Producers Federation of the Philippines (UNIFED) sa manubo nga farm gate price sang kalamay nga naga-apekto sa mga planters.
Sa interview sang Bombo Radyo kay Manuel Lamata, Presidente sang UNIFED, sila ang nagpanguna sa pagsulat kay President Ferdinand Marcos Jr nga nagahingyo nga dapat na magsulod ang gobyerno sa pagbakal sang kalamay derekta sa mga planters.
Suno diri, positibo ang resulta sang ila nga panawagan nga sa karun nagatrabaho na sang tikang ang gobyerno sa pagdownload sang budget agud ibakal sang kalamay sa mga planters.
Pahayag ni Lamata, ang isa sa problema diri amo ang Supply and Demand nga kun sobra ang supply ang presyo sang commodity ang maganubo man ini kasunod man sa pag-claim sang tanan nga nagsobra ang supply bangod sa importasyon nga nagdungan sa milling season.
Sa karun suno kay Lamata, nagnubo ang mill gate price sang kalamay apang ang retail price ang nagapabilin nga mahal.
Nagapanawagan sa karun ang UNIFED sa gobyerno sang tikang nga mahimo agud mapauntat ang pagpinagusto sang mga traders nga pagbaligya sang kalamay sa mahal nga presyo.
Sa karun ang farm gate price sang kalamay ang yara sa presyo nga P2,400 kada sako nga nagtupa sa tagP45 kada kilo apang kun ini naman ang ibaligya sa merkado, ini nagabalor sang P80 tubtob P85 kada kilo.
