United Broiler Raisers Association, nagpanawagan nga bantayan ang nagasaka nga presyo sang karne sang manok sa merkado

Nagahingyo ang grupo nga United Broiler Raisers Association (UBRA) sa Department of Agriculture (DA) nga bantayan ang padayon nga pagsaka sang retail price sang karne sang manok sa mga merkado.

Ang appeal ang ginhimo ni UBRA Chairman Gregorio San Diego kasunod na man sang manubo nga farmgate price sang manok apang nagapabilin naman nga mataas ang retail price sini.

Suno kay San Diego, sa pila ka lugar nagalab-ot lamang sa P98 kada kilo ang farmgate sang manok samtang ang retail ang naglab-ot na nagikan sa P170 tubtob P230 kada kilo.

Kinahanglan suno niya nga maghimu na sang DA sa kapareho nga tikang agud pasabton ang mga retailer nga nagdugang sang tuman nga retail price sang ila mga baligya nga karne sang manok.