United Free Stylers sagihapon ang nangin champion sa Handog ng Bombo Radyo kag Star FM Dance Showdown sa Masskara Festival 2024.
Tagsa tagsa ka mga team ang nagpakita sang ila nga ginpreparar nga dance moves apisar sang madamol nga ulan.
Napuno naman sang paghinugyaw sang mga suporters ang Bacolod Public Plaza.
Una nga nagperform ang United Dance Troupe, ginsundan sang One Industry dance group, Plan B Dance Crew; Buclod Dance Crew; Mongolock; Crazy Beats; Legazy; The merge; United Freestylers kag Danzakin.
Nakuha sang United Free Stylers ang kampeonato sa score nga 97 percent kag nadaog ang cash prize nga P15,000
First runner up ang Danzakin sa score nga 95 percent nga nagdaog sang P10,000 kag second runner up ang Mongolock nga may score nga 92 Percent kag nakabatun sang P5,000.
Ang mga wala nakadaog ang nagpauli man sang consolation prizes nga tig-P2,500.
Ang United Free Stylers ang magapahuway anay sa pagpasakop sa madason nga tuig.
Ini bangud sila man ang 4-time champion sa kompetisyon antes ang pandemic, kag nangin back-to-back champion pagbalik sang aktibidad sumugod nakaligad nga tuig.
Sila ang isa ka tuig lamang nga magapahuway agud mahatagan man sang kahigayunan ang iban nga dance group.
