Nagpasaka sang reklamo sa central office sang Land Transportation and Franchising Board (LTFRB) ang secretary general sang United Negros Drivers and Operators Center (UNDOC) sa mga matuod nga nagakatabo sa transportation sector sa syudad sang Bacolod.
Sa interview sang Bombo Radyo Bacolod kay Diego Malacad, wala na ini nakahibalo kun ano ang nagakatabo bangud duso butong nalang ang ginahimo sang gobyerno sa pagpatuman sang jeepney modernization program.
Suno kay Malacad ang ginakabig sini nga suicidal massacre ang nagakatabo sa karun sa transport industry bangud ginahatagan sang gobyerno ang mga kapitalista nga magpasanyog sang ila nga negosyo sa syudad sang Bacolod.
Suno diri ginbuhi sang gobyerno ang mga kapitalista apang wala sini makita ang domino effect kun sa diin linibo ka palangabuhian ang maapektuhan.
Gani bangud sini nagpadala na sila sang under oath nga reklamo kag mga testamento agud nga mapakita ang matuod nga nagakatabo sa transport sector.
