Ginpahayag sang gobernador sang probinsya sang Negros Occidental nga may yara na sang ginpatigayon nga feasibility study ang United States Agency for International Development (USAID) sa pagbutang sang bulk water supply sa probinsya.
Sa interview sang Bombo Radyo Bacolod kay Governor Eugenio Jose “Bong” Lacson, ginpahayag sini sa iya inaugural address ang pagsulod sa public–private partnership (PPP) para sa proyekto sa probinsya.
Suno kay Lacson, bangud sa ginpahayag niya sa iya nga inaugural address, madamo na sang dalagko nga kompaniya ang luyag magpartner sa probinsya.
Ginlakip man sang probinsya ang syudad sang Negros Occidental sa feasibility study bangud makita nga kalabanan sang magamit sang bulk water supply ang syudad sang Bacolod.
Wala man mainclude ang pagpahimo sang express way sa probinsya bangud indi naman ini kinahanglan kag antes makaagi diri kinahanglan nga magbayad sang toll fee.
Samtang nagalaom naman ang gobernador nga madamo pa sang farm to market roads nga mahuman kag nalipay man ini nga naappreciate man sang mga pumuluyo ang ginhimo nga dalan nga sa sulod sang 20 anyos wala mahimo.
