Unli Blue Crabs sa balor nga P300, available sa EB Magalona Public Plaza sa kada Sabado sa bulan sang Agosto

Gina-imbitar ni EB Magalona Mayor Matthew Louis Malacon ang mga pumuluyo sa patigayunon nga unli blue crabs sa kada Sabado sang gab-i sa EB Magalona Public Plaza sa bulan sang Agosto.

Suno sa Alkalde, isa lamang ini ka inisyatibo sang banwa agud mabuligan ang manugkasag nga apektado ang pangalabuhian bangud sa pagban sang US sa pag-export sang blue crabs.

Suno diri, sa balor nga P300, unli na ang pagkaon sang kasag.

Nahibaluan nga ang banwa sang EB Bagalona ang ‘home of the blue crabs’ sa bilog nga probinsya sang Negros Occidental.

Gani suno kay Mayor Malacon, ang programa ang makabulig man sa pagpasanyog sang turismo sa nasambit nga banwa.