Ginalantaw nga unstable outlet ang gintunaan sang kalayo sa nagluntad nga sunog sa Canlaon City booth sa Buglasan Festival 2026 sa Dumaguete City, Negros Oriental sang Oktubre 21.
Madumduman nga siyam ka mga indibidwal ang nasamran lakip na ang duha ka mga menor de edad sa nasambit nga insidente.
Sa interview sang Bombo Radyo kay Fire Chief Inspector Erwin Johannnes Gimotea, Fire Marshal sang Dumaguete City Fire Station, base sa ila nga assesment, may yara sang outlet sa hagdanan sang booth nga covered sang styrofoam kag mga indigenous materials.
Dugang pa, ang outlet ang unstable kag mahalog gani posible nga ini ang nag-init nga gintunaan sang kalayo.
Samtang, ginkumpirmar naman ni Gimotea nga estable na ang kondisyon sang siyam ka mga nasamaran kun sa diin anum diri ang nadischarge na sa ospital samtang ang tatlo ang nagapabilin pa sa ospital.
Suno diri, may reported man nga insidente sang sunog sa lugar sang nagligad apang ini ang magamay lamang, indi kaangay sa Canlaon City booth nga nasunog gid ang tanan kun sa diin nagdangat sa P52,000 ang balor sang halit.
Mensahe ni Gimotea sa nga booth owners nga mangin vigilante sa mga fire safety measures.
Panugyan man sini sa mga magalagaw nga mangin aware kun diin posible nga makagwa sa isa ka area agud indi matrap kun may matabo nga kaangay nga insidente.
