Nagpagwa na sang 2024 Noche Buena Price Guide ang Department of Trade and Industry para sa nagahilapit nga adlaw sang paskwa.
Sa interview sang Bombo Radyo kay Engr. Lynna Joy Cardinal, Provincial Director sang DTI – Negros Occidental, mas ginpa-intensify pa sang ahensya ang monitoring sa presyo sang mga Noche Buena Products.
Gin-athag sini nga ang Noche Buena Price Guide lain kumpara sa Suggested Retail Price sa special items sa Noche Buena apang ini ang ginapatuman lamang para sa Christmas season tubtob sa New Year.
Nalakip sa price guide ang 12 ka mga kategorya nga nagapanguna nga ginagamit sa Noche Buena; ang Ham, Keso de Bola, Fruit cocktail, cheese, mayonnaise , sandwich spread, all purpose cream, pasta/ spaghetti, elbow macaroni, salad macaroni, spaghetti sauce kag tamato sauce.
Kag sa idalum sang ini nga kategorya, may yara sang mga nagkalain-lain nga mga brand gani damo sang pagapilian ang mga konsumedor.
Suno kay Cardinal, may yara sang nagsaka sa presyo, may yara sang nagapabilin sa amo man sa gihapon nga presyo kag may yara man sang nagnubo nga presyo.
Sa 240 ka mga Stock-keeping unit (SKU), 34 ang wala sang pagbag-o sa presyo, 21 ang nag-decrease kag ang nabilin amo nga nag-increase.
Pahayag ni Cardinal, wala lamang nila ginamonitor ang mga presyo apang ila man ginalantaw ang availability sang supply sa pagsaka sang demand.Panugyan sini sa mga konsumedor nga kun magbakal dapat pilion ang produkto nga may label kag ikumpara ang mga produkto kun diin ang mas maayo kag kun diin ang pasok ang budget. Samtang, ginpanugyan sang Provincial Diretor sang DTI – Negros Occidental nga kun magbakal sang Christmas Lights, dapat may yara sang tanda sang Philippine Standard (PS) kag Import Commodity Clearance (ICC) ang produkto antes ini baklon.
Sa interview sang Bombo Radyo kay Engr Lynna Joy Cardinal, dapat kun magbakal sang Christmas Lights pilion ang standard kag verified nga mga produkto.
Suno diri, likawan ang mga prdukto nga wala sang lebel bangod ini ang masamio nga mga peke kag delikado.
Sa karun sa ila monitoring, ila lamang ginakuha ang mga impormasyon kag amo nga ireport lang nila ini kag amo nga ang enforcement team ang maga-issue sang notice of violation kag amo pagconfiscate sini.
Panugyan sini amo nga kun wala ginagamit ang Christmas lights, I-disconnect na lang ini kag likawan ang overheating para sa safety.
