Mensahe ni Pope Francis sa Christmas Mass, nga dapat ituon lamang ang atun mga mata sa matuod nga Diyos.
Sa Christmas Mass During the Night sa St Peter’s Basilica, ginpahayag sang Santo Papa nga ang “Wonder of Christmas” amo nga ang infinite ukon wala sang katapuan nga Ginoo ang nangin finite ukon may kamatayon para sa atun ikaayo.
Suno kay Pope Francis, samtang ang mga pinuno nga nagapuyo sa kalibutan ang nagapangita sang paagi nga sila ang mangin pinakamakagagahom, ang Ginoo naman ang ginpili nga mangin dyutay.
Bangod sini, ang Ginoo ang wala nagakakita sang mga makagagahom sa duta, kag pipila lamang ka mga gintutun-an, nga kalabanan mga kubos amo ang makanotiyar sa Ginoo.
Suno diri, makita sa tanan nga human history ang mga pagtinguha nga makaangkon sang gahom kag kasikatan nga pangduta, nga matakos pinaagi sa success, resulta, numero kag figures, ukon sa malip-ot nga pulong ang kalibutan ang obsessed sa achievement.
Apang pahanumdom sini nga si Hesu Kristo, ang indi Diyos sang accomplishments, kundi Diyos sang pagkabuhi.
Wala sini ginadula ang inhustisya pinaagi sa pagpakita sang gahom, kundi pinaagi sa idalum ginapakita sini ang pagpalangga.
Ang Diyos ang wala nagasulong sa sitwasyon agud ipakita ang wala katapusan nga gahom, kundi ini ang nagpanaog mismo sa pagpangbuhi sang mga tawo.
Bangod sini, pahanumdom ni Pope Francis nga dapat itutok ang mga mata sa pagkabuhi kag sa matuod nga Diyos.
Paathag sang Santo Papa nga ang Ginoo ang nagbag-o sang maragtas pinaagi sa pagpakigbahin mismo sa kasaysayan.
Ang Diyos ang nagarespeto man sa tawo gani kita ang ginhatagan ikasarang nga siya ang i-reject, apang sa pihak sini siya ang nag-ako sang sala nga nahimo sang tawo.
Paathag ni Pope Francis nga bangod sa luyag sang Diyos nga hakuson ang atun kabuhi, gikan sa wala katapusan, ginpili sini nga makaangkon sang katapusan; apisar sa iya mataas nga kahimtangan, ginpili sini nga mangin magamay kag sa pihak sang iya pagkamatarong, siya ang nag-ampo sa atun inhustisya.
Ini suno sa Santo Papa ang “Wonder of Christmas”.
Gindumdom man sini ang Holy Land, nga nagasuprer sa konflikto sa tunga sang Israel kag Palestine, partikular na ang Bethlehem, ang ciudad kun sa diin gintawo si Hesu Kristo.
Gintapos sang Santo Papa ang mensahe sa pagpangmuyo, nga sa Christmas eve, mabag-o sang paghigugma ang maragtas kag sa paghigugma nga pinasahi sa gahom sa kalibutan, tanan ang magpati sa Ginoo.
