Nagdeploy ang Estados Unidos sang carrier strike group agud magpatigayon sang labing-una nga Maritime Cooperative Activity (MCA) subong nga 2025 upod ang Filipino forces sa West Philippine Sea.
Sa statement ni Armed Forces of the Philippines (AFP) spokesperson Colonel Xerxes Trinidad, ang Maritime Cooperative Activity nga kaupod ang United States Indo-Pacific Command (USINDOPACOM) ang ginpatigayon sa nasakupan sang Palawan sang Enero 17 tubtob 18.
Suno sa AFP kaupod man sa aktibidad ang guided missile frigate BRP Antonio Luna (FF151), offshore patrol vessel BRP Andres Bonifacio (PS17), duha ka FA50 fighter aircraft, kag Philippine Air Force Search and Rescue (SAR) assets.
Nagaserbe nga backup sang Fililipino forces ang US aircraft carrier strike group nga nakapalibot sa USS Carl Vinson (CVN-70) kag ang air group sini.
Ang mga ini ang gina-escort man sang guided missile cruiser USS Princeton (CG-59), destroyer USS Sterett (DDG-104), MH-60 Seahawk helicopter, V-22 Osprey helicopter, kag duha ka F/A-18 Super Hornet fighter bombers.
Sang Enero 17, ginpahayag sang AFP nga ang pwersa ang nagpatigayon sang Communications Check Exercise (COMMEX), Division Tactics
Officer of the Watch (DIVTACS/OOW) maneuver, kag Photo Exercise (PHOTOEX).
Ang exercises ang ginpadayun tubtob kahapon kun sa diin sila ang nagpatigayon man sang Dissimilar Aircraft Combat Training (DACT).
